சென்னை மற்றும் அதன் புறநகர் பகுதிகளைப் பொறுத்தவரை இன்று (மே 6) வானம் ஓரளவு மேகமூட்டத்துடன் காணப்படும். நகரின் ஒரு, சில பகுதிகளில் இடி, மின்னலுடன் லேசானது முதல் மிதமான மழைக்கு வாய்ப்பு இருப்பதாகவும் வானிலை ஆய்வு மையம் தெரிவித்துள்ளது. அதிகபட்ச வெப்பநிலை 37 -38 டிகிரி செல்சியஸ் என்ற அளவிலும், குறைந்தபட்ச வெப்பநிலை 27 டிகிரி செல்சியஸை ஒட்டியும் இருக்கக்கூடும் என்று தெரிவிக்கப்பட்டுள்ளது.

அதன் பிறகு மே 7ஆம் தேதி (நாளை) முதல் 9ஆம் தேதி (வெள்ளி) வரையில், தமிழகத்தில் ஒருசில இடங்களிலும், புதுச்சேரி, காரைக்கால் பகுதிகளிலும் இடி, மின்னலுடன் கூடிய லேசானது முதல் மிதமான மழைக்கு வாய்ப்பு இருப்பதாகவும் தெரிவித்துள்ளது.

மே 10ஆம் தேதி (சனிக் கிழமை) மற்றும் மே 11ஆம் தேதி (ஞாயிற்றுக் கிழமை) தமிழகத்தில் ஓரிரு இடங்களிலும் புதுச்சேரி மற்றும் காரைக்கால் பகுதிகளிலும் லேசானது முதல் மிதமான மழைக்கு வாய்ப்பு உள்ளதாக தெரிவிக்கப்பட்டுள்ளது.