நேபாளம் சென் இசட் இளைஞர்கள் வன்முறை: கண்டதும் சுட உத்தரவு- உச்சகட்ட பதற்றத்தில் உள்ளூர் மக்கள்... அடுத்து என்ன நடக்கும்?
நேபாளத்தை சேர்ந்த 2கே கிட்ஸ் வன்முறையில் ஈடுபட்டுள்ளனா். அவர்களை கட்டுப்படுத்த கண்டதும் சுட வேண்டும் என அரசு உத்தரவிட்டுள்ளது.
நேபாளத்தில் சமூக ஊடகங்களை கட்டுப்படுத்தும் அரசின் நடவடிக்கையை எதிர்த்து, நாடு முழுவதும் பரவலான போராட்டம் வெடித்துள்ளது. இதனால் நாடு தற்போது உச்சக்கட்ட பதற்றத்தில் சிக்கியிருக்கிறது. இந்த நிலையில் ராணுவம் குவிக்கப்பட்டு சுட்டு தள்ள உத்தரவிடப்பட்டுள்ளது.
சமீபத்தில் நேபாள அரசு வாட்ஸ் அப், பேஸ்புக் உட்பட மொத்தம் 26 சமூக ஊடக நிறுவனங்களின் சேவையை நிறுத்த உத்தரவிட்டது. அரசின் நிலைப்பாடு என்னவெனில், இந்த நிறுவனங்கள் ஒவ்வொன்றும் நேபாளத்தைச் சேர்ந்த ஒருவரை நியமித்து, வாரந்தோறும் அரசுக்கு அந்த நிறுவனத்தில் நடைபெறும் விவாதங்களை அறிக்கையாக அளிக்க வேண்டும் என்பதாகும். டிக்டாக் போன்ற சில நிறுவனங்கள் இதை ஏற்றுக்கொண்டன. ஆனால் பெரும்பாலான நிறுவனங்கள் அரசின் நிபந்தனையை பின்பற்றாததால், நேபாள அரசு திடீரென சேவைகளை நிறுத்தி வைத்தது.
