சுங்கச் சாவடிக்கு 20 கிமீ சுற்றளவில் வசிப்பவர்கள் மாதம் ரூ.340 பாஸ் எடுத்து டோல் கட்டணமின்றி பயணிக்கலாம் என்ற விதி உள்ளது. அதே சமயம் உள்ளூர் பதிவு எண் கொண்ட வாகனங்களுக்கு விலக்கு அளிக்க வேண்டும் என்று அப்பகுதி மக்கள் கூறுகின்றனர். ஏனெனில் கும்பகோணம் பகுதியில் சந்தை உள்ளிட்டவை செயல்பட்டு வருகின்றன. இதனால் விவசாயிகள், வணிகர்கள் நாள்தோறும் கும்பகோணத்திற்கு பொருட்களை எடுத்துச் செல்ல வேண்டி இருக்கும். சுங்கச் சாவடியை சுற்றி உள்ளவர்கள் விவசாயிகள், கூலித் தொழிலாளர்களாக உள்ளதால் மாதாந்திர கட்டணத்தில் இருந்தும் விலக்கு அளிக்க வேண்டும் என்ற கோரிக்கைகள் எழுந்துள்ளன.

தற்போது இந்தியா முழுவதும் 1228 சுங்கச் சாவடிகள் செயல்பட்டு வருகின்றன. அதில், 78 சுங்கச் சாவடிகள் தமிழகத்தில் உள்ள தேசிய நெடுஞ்சாலைகளில் செயல்பட்டு வருகின்றன. கடந்த இரண்டு வருடங்களில் மட்டும் சுமார் 12 சுங்கச் சாவடிகள் திறக்கப்பட்டுள்ளன. ஆனால், சாலை அமைக்கப்பதற்காக செலவிடப்பட்ட தொகையை விட அதிகமாக செலவு செய்த பிறகும் சுங்கச் சாவடிகள் செயல்படுவதாக எதிர்ப்புகள் எழுந்துள்ளது குறிப்பிடத்தக்கது.